Antıkvarıat zattaryn satatyn dúken ıesin óltirý faktisi boıynsha qylmystyń beti ashyldy- ІІM
ASTANA. 3 qarasha. QazAqparat /Rýslan Ǵabbasov/ - Tarazda polıtsııa qyzmetkerleri antıkvarıat zattaryn satatyn dúken ıesin óltirý faktisi boıynsha qylmysty ashty. Bul týraly búgin aptalyq brıfıngte ІІM Til saıasaty jáne aqparat departamentiniń bastyǵy Qýanyshbek Jumanov málim etti.
Jábirlenýshi ótken jyldyń 16 qazanynda iri kólemdegi aqshamen joǵalyp ketken bolatyn. «Jábirlenýshi mereıtoılyq kúmis monetalaryn satyp almaqshy bolǵan. Bastapqy derekter boıynsha ol qarjy mekemesine baryp, belgisiz bireýmen telefon arqyly sóılesip, syrtqa shyǵyp ketken kúıi iz-tússiz joǵalǵan. Al onyń kóligi banktiń janynda qalǵan»,-dedi departament basshysy.
Qazan aıynyń sońynda oblystyq ІІD-niń qyzmetkerleri basqa da quqyq qorǵaý organdarymen birlesip, osy kisi óltirý qylmysyn jasaǵany úshin osy qalanyń 2 turǵynyn ustady. «Al birneshe kúnnen keıin olardyń sybaılasy, Qaraǵandynyń 26 jastaǵy turǵyny quryqtaldy»,-dedi Q. Jumanov.
