AntikorLive: Kásipkerlerdi qoldaýdyń daǵdarysqa qarsy baǵdarlamasy jasalýda
«10-15 jyl buryn kásipkerler jemqorlyq táýekeli bolǵan kezde kimge shaǵymdanaryn bilmegen. Mundaı máseleni sheshetin qurylym bolmaǵan. Osyndaı qıyn-qystaý kezeńde kásipkerlerdi qoldaýdy nasıhattap, aktsııalar ótkizý kerek. Kásipkerlik halyqty, óz-ózin jumyspen qamtamamyz etetini de jasyryn emes. Óz-ózin jumyspen qamtý ǵana ár adamnyń ekonomıkalyq jáne áleýmettik qaýipsizdigin qamtamasyz ete alady. Osy baǵytta únemi jumys júrgizilip otyrýy kerek», - deıdi Bolat Omarov.
Onyń aıtýynsha, arnaıy qurylǵan Qoǵamdyq keńes kásipkerlikti qoldaý maqsatynda daǵdarysqa qarsy baǵdarlama jasaýda.
«Biz kásipkerlikti qoldaý boıynsha Qoǵamdyq keńes uıymdastyrdyq. Qazirgi kezde kásipkerlikti qoldaý maqsatynda daǵdarysqa qarsy baǵdarlama jasap jatyrmyz. Oǵan qalalyq atqarýshy organdar, damý ınstıtýttary qatysýda. Dıalog alańyn qurý úshin keshendi jumys júrgizilýde. Qazirgi ýaqytta kásipkerlik ortasynda atqaryp jatqan jumysymyz týraly túsindirý sharalaryn júrgizýdemiz. Bolashaqta Jobalyq keńse qurý boıynsha jumysty qolǵa almaqpyz. Sózben emes, ispen qoldaǵymyz keledi. Qazirgi qıyn jaǵdaıda kásipkerlikti joıyp almas úshin ekonomıkalyq, iskerlik áleýetimizdi saqtap qalýymyz kerek», - deıdi ol.