Antıkordyń jalǵan qyzmetkerine qatysty sot úkimi shyqty

ASTANA. QazAqparat - 9 qarashada Aqtaý qalalyq soty alaıaqtyq jáne para berýge ıtermelegeni úshin azamattar Kárimov jáne Batyrhanovqa qatysty úkim shyǵardy, dep habarlaıdy QazAqparat.

Antıkordyń málimetinshe, olarǵa memlekettik qyzmette qyzmet atqarýǵa ómir boıyna tyıym salynyp, sáıkesinshe 7 jyl 6 aıǵa jáne 7 jylǵa bas bostandyqtarynan aıyryldy.

«Agenttik tóraǵasynyń kómekshisi atyn jamylǵan Kárimov Aqtaý qalasy ákimdiginiń laýazymdy tulǵalarynan kommertsııalyq obektilerdi ornalastyrý úshin onyń atyna Kaspıı teńiziniń jaǵalaýyndaǵy jer ýchaskesin resimdeýdi talap etkeni úshin kináli dep tanyldy.

Budan basqa, 2020 jylǵy aqpanda Kárimov Batyrhanovpen aldyn ala sóz baılasý boıynsha adamdar tobynda áreket etip, ózin Bilim jáne ǵylym vıtse-mınıstri jáne Almaty qalasy ákiminiń kómekshisi retinde kórsetip, balabaqsha meńgerýshisinen ákimshilik jaýapkershilikke tartpaǵany úshin 1 mln teńge talap etken», - dep jazdy vedomstvodan.

Úkim zańdy kúshine engen joq.

Sybaılas jemqorlyqqa qarsy qyzmet alaıaqtar ózderin memlekettik organdardyń qyzmetkerleri retinde kórsetip, qylmystyq is-áreketterge ıýaratyny jalǵasyp jatqanyna nazar aýdarady.

Barlyq osyndaı faktiler týraly 8 7172 909 408 telefonyna nemese 1424 Call-ortalyǵyna jedel habarlasýǵa bolady.