Antıkordyń atyn jamylǵan qońyraýdan saq bolyńyz

ASTANA. KAZINFORM - Sybaılas jemqorlyqqa qarsy is-qımyl Agenttigi alaıaqtyqtyń jańa bir tásili týraly eskertedi. 

«Sybaılas jemqorlyqqa qarsy qyzmet azamattardy messendjerler (WhatsApp, Telegram jáne t. b.) arqyly jalǵan akkaýnttar quryp, Qazaqstan Respýblıkasy Sybaılas jemqorlyqqa qarsy is-qımyl agenttiginiń qyzmetkerleri men basshylyǵynyń atynan qońyraýlar jasaıtyn, sondaı-aq jalǵan aqparat jiberetin adamdar tobynyń alaıaqtyq áreketteri týraly eskertedi», - delingen habarlamada. 

Antıkor jalǵan aqparattarǵa senbeýge, kúmándi siltemelerge ótpeýge, sondaı-aq qarajat aýdarmaýǵa shaqyrady. 

Osyndaı jaǵdaılarǵa kezdesken kezde, quqyq qorǵaý organdaryna dereý habarlaýdy suraıdy.