Antıkor jumysynyń nátıjesi: Ekonomıkalyq jıyntyq tıimdilik - 95,6 mlrd teńge

NUR-SULTAN. QazAqparat – QR Sybaılas jemqorlyqqa qarsy is-qımyl agenttigi jumysynyń 2020 jylǵy ekonomıkalyq jıyntyq tıimdiligi 95,6 mlrd teńgeni qurady. Bul týraly QR Sybaılas jemqorlyqqa qarsy is-qımyl agenttiginiń tóraǵasy Alık Shpekbaev aıtty, dep habarlaıdy QazAqparat tilshisi.

«Qylmystyq ister boıynsha ótelgen zalal somasy 50,7 mlrd teńgeni qurady. Bul 2019 jyldyń kórsetkishinen eki ese joǵary. Para alý jáne urlaý faktileri boıynsha birneshe aıyppul kólemi 2,8 mlrd teńgeni, tyıym salynǵan múlik 1,2 mlrd teńgeni qurady», - dedi Alık Shpekbaev agenttiktiń alqa otyrysynda.

Onyń aıtýynsha, memlekettik satyp alýlardy monıtorıngileý, sybaılas jemqorlyq táýekelderin syrtqy taldaý jáne jobalyq qyzmet boıynsha júıeli jumys bıýdjet qarajatyn taǵy 40,9 mlrd teńgege utymsyz paıdalanýdyń aldyn alýǵa múmkindik berdi.

«Osylaısha, agenttik jumysynyń 2020 jylǵy ekonomıkalyq jıyntyq tıimdiligi 95,6 mlrd teńgeni qurady. Biz qol jetkizgen jetistiktermen toqtap qalmaýymyz kerek, bizdiń ár qyzmetker barynsha tıimdi jumys isteýi tıis», - dedi agenttik basshysy.