Antıkor volonterleri jemqorlyqpen kúresýge qalaı kómektesýde
2 aıda 1,5 myńnan astam azamat jemqorlyqqa qarsy volonterler qataryna qosyldy, dep habarlaıdy QR Sybaılas jemqorlyqqa qarsy is-qımyl agenttiginiń baspasóz qyzmeti.
Tamyz aıynda bastalǵan «Sybaılas jemqorlyqqa qarsy volonterlik» jobasyna elimizdiń barlyq óńirleriniń belsendileri qatysýǵa nıet bildirdi. Jetisý men Aqtóbe oblysynda jáne Almaty qalasynda jaýapkershilikteri joǵary, zańsyzdyqqa beı-jaı qaramaıtyn adamdardyń eń kóp sany tirkeldi. Sonymen qatar, jemqorlyqqa qarsy is-qımyl máselelerine azamattar men qoǵamdyq birlestikter ǵana emes, túrli uıymdar da tartylǵan.
Bıýdjettik shyǵyndar, avtojoldar, áleýmettik mańyzy bar mekemeler, ınfraqurylym – bul qoǵamdyq baqylaý salasyndaǵy obektilerdiń barlyq tizimi emes.
Bul rette sybaılas jemqorlyqqa qarsy volonterler kóbinese memlekettik satyp alý salasyndaǵy, onyń ishinde baǵany kóterýge baılanysty buzýshylyqtardy anyqtaıdy.
Elorda volonterleri memlekettik satyp alý portalynyń monıtorıngi barysynda «Astana-Energııa» AQ-nyń tarapynan baǵany kóterý faktilerin anyqtady. Bastapqyda býldozerdi 171 mln teńgege satyp alýdy josparlaǵan mekeme keıin baǵany 147 mln teńgege deıin tómendetti, osylaısha bıýdjetten 24 mln teńge únemdeldi.
Túrkistan oblysynyń jergilikti atqarýshy organdary jobalaý-smetalyq qujattamany jasaý boıynsha kórsetiletin qyzmetterdi memlekettik satyp alý qunyn kótergen bolatyn. Alaıda, volonterlerdiń qyraǵylyǵynyń arqasynda memlekettik organdar baǵany tómendetip, nátıjesinde 27 mln₸ astam bıýdjet qarajatyn únemdeýge qol jetkizdi.
Aqmola volonterleri mektepke deıingi bilim berý uıymdarynda balalardyń qatysýyn elektrondyq tabeldeý júıesin 20-ǵa jýyq memlekettik satyp alýda buzýshylyqtardy anyqtady. Antıkor men ІMAD qujattamany zerttep, buzýshylyqtar faktilerin rastady. Tapsyrys berýshiler bilim bólimderi atynan memlekettik satyp alý týraly zańnamany buza otyryp, konkýrstyq qujattamany aldyn ala talqylaý kezinde áleýetti ónim berýshilerdiń eskertýlerin eskermegeni belgili boldy. Nátıjesinde satyp alýlar joıylyp, kináli adamdar tártiptik jáne ákimshilik jaýapkershilikke tartyldy, al konkýrstar joıylǵan buzýshylyqtardy eskere otyryp, qaıta jarııalanatyn bolady.
Ulytaý oblysynda volonterlerdiń usynysymen máslıhat hatshysy úshin 40 mln₸ jýyq somaǵa premıým-klasty qyzmettik avtokólikti josparlanǵan satyp alýdan bas tartty.
Turǵyndardyń problemalyq máseleleri jemqorlyqqa qarsy volonterlerdi de alańdatady.
Aqtóbe oblysynda volonterler turmystyq qaldyqtardy shyǵarý kezinde buzýshylyqtar anyqtady. Aqtóbeniń kommýnaldyq qyzmetteri bir aıǵa jýyq qoqys shyǵarmaǵan, bul qalanyń qorshaǵan ortasyna áser etti. Volonterler bul jaǵdaımen aınalysa bastaǵanda, QTQ qyzmetterine tarıftiń ósýine baılanysty somalardyń zańsyz eseptelýine baılanysty 170 myńnan astam tutynýshy 42 mln₸ artyq tólegeni belgili boldy. Antıkor eriktileriniń aralasýynan keıin halyqqa tıisti qaıta esepteý júrgizilip, qoqys ýaqtyly shyǵaryla bastady.
Abaı oblysynyń volonterleri 166 aýyldyq eldi mekendi sýmen jabdyqtaý salasyna monıtorıng júrgizgen. 93 aýylda 2019-21 jyldary salynǵan sý qubyry ishinara jumys istep nemese múldem jumys istemeıtini anyqtaldy. Anyqtalǵan kemshilikter oblys ákiminiń tóraǵalyǵymen Sybaılas jemqorlyqqa qarsy is-qımyl jónindegi vedomstvoaralyq komıssııada qaraldy.
Buzýshylyqtardy bilim berý mekemeleriniń volonterleri de anyqtady.
Ońtústik Qazaqstan ýnıversıtetiniń jemqorlyqqa qarsy volonteri emtıhan kezinde stýdenttermen usynǵan jalǵan medıtsınalyq anyqtamalar anyqtaldy. 185 anyqtamanyń ishinde 48 «Damumed» málimetterine sáıkes kelmegen. Antıkor tıisti medıtsınalyq mekemelerge hattaryn joldap, nátıjesinde qalalyq emhananyń birqatar kináli tulǵalary tártiptik jaýapkershilikke tartyldy.
Pro-bono volonterlik aıasynda – jobanyń baǵyttarynyń biri – zań salasynyń ókilderi men el óńirleriniń sarapshylary azamattar men eńbek ujymdaryna tegin quqyqtyq kómek kórsetedi.
Almatyda bilikti zańgerler arasynan volonterler qalanyń 130-dan astam kásipkerlerine keńes berdi.
Pavlodar, Jambyl jáne Qaraǵandy oblystarynyń volonterleri qoǵamdyq qabyldaýlar uıymdastyrdy, azamattar ózderiniń zańdy quqyqtary týraly túsindirme alý úshin júgine alady.
Joba týraly tolyǵyraq silteme arqyly bile alasyz.
