Antıkor statıstıkasynan góri halyqtyń densaýlyǵy men ál-aýqaty mańyzdy – Bektenov
«Bastysy – bıýdjet qarajaty esebinen turǵyzylatyn nysannyń sapaly salynýy jáne belgilengen merzimde paıdalanýǵa berilýi. Adamdar aýyz sýdy ýaqytyly alyp, sapaly joldarmen júredi, jańa páterlerge qonystanady. Olar úshin eń bastysy osy emes pe? Azamattardyń densaýlyǵy men ál-aýqaty nemese bizdiń statıstıka – qaıysysy mańyzdy? Menińshe, jaýap aıqyn», - dedi ol vedomstvonyń alqa otyrysynda
Oljas Bektenov agenttik neǵurlym tezirek áreket etse, soǵurlym jaqsy bolatyndyǵyn basa aıtty.
«Qylmystyq isti qozǵaý mańyzdy emes. Eń bastysy – bıýdjet esebinen salynyp jatqan nysannyń sapaly salynyp, belgilengen merzimde tapsyrylý. Bizdiń statıstıkamyzdan góri halyqtyń densaýlyǵy men ál-aýqaty mańyzdy. Bul oraıda atalǵan ádis jemqorlyqpen kúresti álisiretpeıdi. Kerisinshe, bizge aldyn oraı qımyldap, barynsha tıimdi áreket etýge baǵyttaıdy», - dedi agenttik tóraǵasy.
