Antıkor "SQ-Farmatsııa" qyzmetin zerdeleýdi bastamaq
Sybaılas jemqorlyqqa qarsy is-qımyl agenttigi densaýlyq saqtaý salasyndaǵy jemqorlyq táýekelderine syrtqy taldaýdy bastady, dep habarlaıdy QazAqparat.
"Taldaý aıasynda medıtsınalyq buıymdardy satyp alý, aýrýhanalar men emhanalardy salý jáne jóndeý, sondaı-aq medıtsınalyq mekemeler qyzmetkerleriniń eńbegine aqy tóleý qory jáne «SQ-Farmatsııa» JShS qyzmeti máseleleri zerdelenetin bolady.
Taldaý agenttiktiń, Densaýlyq saqtaý mınıstrliginiń, múddeli memlekettik organdardyń qyzmetkerlerimen jáne azamattyq qoǵam ókilderimen júrgiziledi", - dep jazdy Antıkordan.
Sondaı-aq, Sybaılas jemqorlyqqa qarsy qyzmet azamattardy taldaýǵa qatysýǵa shaqyrady.
"Eger Sizde sybaılas jemqorlyq táýekelderi týraly aqparat nemese densaýlyq saqtaý salasyn jetildirý boıynsha usynystar bolsa olardy elektrondyq poshtaǵa jiberýińizge bolady abdrakhmanov.n@antikor.gov.kz", - delingen jazbada.
