Antıkor shynaıy qylmystyq isterge negizdelgen serıal túsirdi

ASTANA. QazAqparat – Sybaılas jemqorlyqqa qarsy is-qımyl agenttigi shynaıy qylmystyq isterge negizdelgen shaǵyn serıal túsirdi, dep habarlaıdy QazAqparat.

«QANA» shaǵyn serıaly –Antıkordyń jobasy. Sıýjeti shynaıy qylmystyq isterge negizdelgen. Janry – detektıv, drama.

Fılmde negizgi keıipker men onyń seriktesi sybaılas jemqorlyq isterin ashýmen aınalysady. Іstiń egjeı-tegjeıine úńilý kezinde olar ózderiniń ótken ómirin eske alady.

«Áriptesterdiń maqsaty bir, biraq tergeýdi sońyna deıin jetkizýde árqaısysynyń ózindik sebebi bar. Árkimniń óz ádisi men jeke shyndyǵy bar», - delingen baspasóz baıanynda.

Birinshi serııanyń premerasy erteń, 26 qańtar kúni saǵat 19:30-da Sybaılas jemqorlyqqa qarsy is-qımyl agenttiginiń YouTube-kanalynda bolady.

Vıdeodan alynǵan kadr