Antıkor Shymkentti jylýmen qamtamasyz etetin kásiporynǵa taldaý júrgizip jatyr
ShYMKENT. KAZINFORM — Qalalyq energetıka jáne ınfraqurylymdy damytý basqarmasyna qarasty «Qýatjylýortalyq-3» MKK jiti baqylaýǵa alyndy.
Zańdylyq pen tártipti qamtamasyz etý maqsatynda Sybaılas jemqorlyqqa qarsy is-qımyl agenttiginiń Shymkent qalasy boıynsha departamenti «Qýatjylýortalyq-3» MKK-na sybaılas jemqorlyq táýekelderine syrtqy taldaý júrgizýdi bastady.
— Taldaý barysynda mekemeniń qyzmeti, bıýdjetti josparlaý jáne ıgerý, tarıfter, ınvestıtsııalyq baǵdarlamalardy iske asyrý, jylý jelilerin jóndeý jáne ózge de máseleler qarastyrylady, — delingen Sybaılas jemqorlyqqa qarsy is-qımyl agenttiginiń Shymkent qalasy boıynsha departamentiniń baspasóz qyzmeti usynǵan aqparatta.
Taldaýǵa departament qyzmetkerlerimen qatar, múddeli memlekettik organdardyń sarapshylary men azamattyq qoǵam ókilderi de tartylady. Sondaı-aq, bul iske qala turǵyndarynyńda qatysýyna múmkindigi bar. Eger Sizde sybaılas jemqorlyq táýekelderi týraly aqparat nemese osy saladaǵy jumysty jetildirý boıynsha usynystar bolsa, kaldybaev.n@antikor.gov.kz elektrondy poshtasyna nemese WhatsApp arqyly 87715186834 nómirine joldaýǵa bolady.
Aıta keteıik, budan buryn Shymkenttegi «kóktem» bazary kóshiriletindigin jazǵan bolatynbyz.