Antıkor Nurjan Áltaevtyń ustalýyna qatysty pikir bildirdi

ASTANA. QazAqparat - 7 maýsymda Sybaılas jemqorlyqqa qarsy qyzmet jasyryn is-sharalar kesheniniń nátıjesinde eks-vıtse-mınıstr N.B.Áltaevty asa aýyr jemqorlyq qylmys jasady degen kúdik boıynsha ustady, dep habarlaıdy QazAqparat.

N.B. Áltaev Eńbek jáne áleýmettik qorǵaý vıtse-mınıstri, keıinnen QR Parlamenti Májilisiniń depýtaty retinde júıeli negizde «Atameken» ulttyq kásipkerler palatasynyń basqarma tóraǵasy A.I.Myrzahmetovten asa iri mólsherde para aldy dep kúdiktenedi.

2018-2020 jyldary jaýapty memlekettik laýazymdardy atqara otyryp, ol A.I.Myrzahmetovtyń múddesi úshin áreket etip, onyń uıymyna memlekettik tapsyrystardy alýyna yqpal etip, jalpy qamqorshylyq kórsetken.

N.B.Áltaev Astana qalasy polıtsııa departamentiniń ýaqytsha ustaý ızolıatoryna qamaldy. Tergeý jalǵasýda.

QR QPK 201-babyna sáıkes tergeý múddesi úshin ózge aqparat jarııa etýge jatpaıdy.