Antıkor qyzmetkerin qorqytqan polıtsııa maıory qamaýǵa alyndy

ASTANA. QazAqparat - Áleýmettik jelilerde azamattyq kıimdegi adam Sybaılas jemqorlyqqa qarsy qyzmet qyzmetkerine qatysty atys qarýyn qoldanýmen qorqytatyn beıne taraǵan. Osy fakt boıynsha Qarjylyq monıtorıng agenttigi túsinikteme berdi, dep habarlaıdy QazAqparat.

«Almaty oblysy boıynsha Sybaılas jemqorlyqqa qarsy qyzmet Qarasaı aýdany Polıtsııa basqarmasynyń laýazymdy tulǵalaryna qatysty qylmystyq jaýaptylyqtan alshaqtatqany úshin 500 myń teńge somasynda aqshalaı qarajat alý (para) faktisi boıynsha sotqa deıingi tergeý júrgizýde. Sybaılas jemqorlyqqa qarsy qyzmet qyzmetkerleri tintý júrgizgen kezde polıtsııa maıory zańdy talaptarǵa baǵynbaı, atys qarýyn qoldanamyn dep qorqytqan», - delingen habarlamada.

Aǵymdaǵy jyldyń 22 qyrkúıeginde osy fakt boıynsha Qylmystyq kodekstiń 380-baby (bılik ókiline qatysty qaýip) boıynsha qylmystyq is tirkeldi. 29 qyrkúıeginde kúdikti sottyń sanktsııasymen qamaýǵa alyndy.

Tergeý jalǵasýda.