Antıkor QTJ qyzmetinde sybaılas jemqorlyq qaýpi bar-joǵyn anyqtaıdy

NUR-SULTAN. QazAqparat - Sybaılas jemqorlyqqa qarsy qyzmet «Qazaqstan temir joly» UK» AQ qyzmetindegi sybaılas jemqorlyq táýekelderin taldaýǵa kirisedi, dep habarlaıdy QazAqparat Sybaılas jemqorlyqqa qarsy is-qımyl agenttiginiń baspasóz qyzmetine silteme jasaı otyryp.

Sybaılas jemqorlyqqa qarsy is-qımyl agenttigi «Qazaqstan temir joly» UK» AQ qyzmetindegi sybaılas jemqorlyq táýekelderine syrtqy taldaýdyń bastalǵany týraly habarlaıdy.

Taldaýdy Agenttiktiń, Ulttyq kompanııanyń, múddeli memlekettik organdardyń mamandary jáne azamattyq qoǵam ókilderi júrgizetin bolady.

Taldaý barysynda temir jol salasynda sybaılas jemqorlyq quqyq buzýshylyqtardyń jasalý sebepteri men jaǵdaılary zerdelenetin bolady, bul ulttyq operator qyzmetiniń tıimdiligine, buryn memlekettik bıýdjetten jáne Ulttyq qordan alynǵan qarajattyń jumsalýyna áser etedi.

Sybaılas jemqorlyq táýekelderi týraly aqparat jáne taldanyp otyrǵan salany jetildirý boıynsha usynystar bolǵan jaǵdaıda, [e-mail] elektrondyq poshtaǵa jiberýdi suraımyz.