Antıkor kásipker quqyǵyn qorǵaıtyn jobany iske asyra bastady
Jobanyń maqsaty – kásipkerlerge qujattardy resimdeý kezinde ákimshilik kedergilerdi, áýre-sarsańdy eńserýge kómektesý, memlekettik qyzmetshiler qabyldaıtyn sheshimderdiń merzimi men ashyqtyǵyn saqtaýdy qamtamasyz etý.
«Kásipkerler jerdi resimdeý, sáýlet jáne basqa da baqylaýshy organdardan ruqsat alý, kommýnıkatsııalardy qosý, sondaı-aq túrli memlekettik qoldaý sharalaryn (kredıtter, granttar, sýbsıdııalar) alý kezinde kezdesetin naqty problemalardy sheshýmen aınalysatyn bolamyz», - delingen Sybaılas jemqorlyqqa qarsy is-qımyl agenttigi habarlamasynda.
Málim etilgendeı, qazir óńirlerde bıznesten ótinish qabyldaý úshin arnaıy alańdar men baılanys arnaly jumys istep jatyr.
Aýmaqtyq departamentterdiń basshylary Facebook paraqshalarynda habarlamalar qabyldaýda.
Sondaı-aq Antıkordyń Call-ortalyǵyna 1424 nómiri boıynsha habarlasýǵa bolady.
