Antıkor Erlan Qojaǵapanovtyń isine qatysty túsinik berdi
ASTANA. KAZINFORM – QR Sybaılas jemqorlyqqa qarsy is-qımyl agenttigi tóraǵasynyń orynbasary Darhan Quraqbaev burynǵy Mádenıet jáne sport vıtse-mınıstri Erlan Qojaǵapanovqa qatysty is sotqa joldanǵanyn aıtty.
- Іs boıynsha tergeý amaldary aıaqtaldy. Qojaǵapanov merdiger uıymnyń basshysymen birge sotqa berildi, ıaǵnı sotta qaraý is-sharalary jalǵasyp jatyr. Bul rette asa iri kólemde bıýdjet qarajatyn jymqyrý máselesi bar, - dedi D. Quraqbaev Senatta tilshiler suraǵyna jaýap bere otyryp.
Onyń aıtýynsha, is boıynsha keltirilgen shyǵyn somasy ózgergen joq jáne bir mıllıard teńgeden asady.
Eske salsaq, 2024 jyly 1 naýryzda Sybaılas jemqorlyqqa qarsy qyzmet Mádenıet jáne sport eks-vıtse-mınıstrin aýyr jemqorlyq qylmys jasady degen kúdik boıynsha ustady.