Antıkor bilim salasyndaǵy qarjy jymqyrýdyń qylmystyq tásilderin áshkereledi
Búgin ótken vedomstvoaralyq keńeste taldaý qorytyndysy shyǵaryldy. Oǵan Prezıdent Ákimshiliginiń, Ulttyq Banktiń, joǵary aýdıtorlyq palatanyń ókilderi, Parlament Májilisiniń depýtattary, Bilim jáne tsıfrlyq damý mınıstrleri, qarjy, densaýlyq saqtaý, eńbek jáne áleýmettik qorǵaý vıtse-mınıstrleri jáne qoǵam qaıratkerleri qatysty.
«Sońǵy úsh jylda memleket bilim berý salasyn damytýǵa 12,1 trln teńge baǵyttaǵan, bul 2021-2023 jyldarǵa arnalǵan memlekettik bıýdjettiń barlyq shyǵystarynyń 28% quraıdy.
«Pedagog mártebesi týraly» Zań qabyldanyp, muǵalimderdiń jalaqysy eki esege, al ǵylymı dárejesi men sabaqtan tys sabaqtary bolǵan jaǵdaıda – úsh esege arttyrýǵa múmkindik berildi. Áleýmettik qoldaý sharalaryna qaramastan, bilim berý salasy eń kóp jemqorlarlanǵan salalardyń biri bolyp qalýda. 2020 jyldan bastap osy saladaǵy qylmystyq ister boıynsha 143 adam sottaldy. Memleketke keltirilgen zalal shamamen 11 mlrd teńgeni qurady, onyń 5,2 mlrd teńgesi óteldi», - dep jazdy Antıkordan.
Ondaǵy derekterge qaraǵanda, tek Jetisý oblysynda qalalyq bilim bóliminiń qyzmetkerleri 2,5 jyl ishinde 4,4 mlrd teńgeni urlaǵan. Qylmystyq topqa basshy jáne eki bilim berý býhgalteri, sondaı-aq 13 mektep býhgalterleri kirdi. Mundaı qylmystyq shemalar eldiń barlyq aýmaǵynda anyqtaldy. Almaty, Shymkent qalalarynda, Qyzylorda, Aqtóbe jáne Almaty oblystarynda eń iri jymqyrý faktisi tirkeldi.
«Máselen, jemqorlyq táýekelderine syrtqy taldaý nátıjeleri boıynsha bıýdjet aqshasyn jymqyrýdyń turaqty tásilderi ashyldy:
1. Qyzmetkerdiń jalaqysyna onyń laýazymyna qaraǵanda áldeqaıda kóp aqsha aýdarǵan;
2. Jalaqy mektepte múldem jumys istemeıtin adamdarǵa aýdarylǵan;
3. Qyzmetkerdiń kart-shottaryna jalaqy eseptelip, al tólemderde basqa tulǵanyń tegi kórsetilgen;
4. Bir adamǵa aqsha aýdarymdaryn birneshe ret aýdarǵan;
5. Olar aqshany «óli jandarǵa» - týystary men jaqyndaryna aýdarǵan.
Joǵaryda atalǵan barlyq jymqyrý ádisteri bir shema arqyly júzege asyrylady. Aldymen býhgalter tólem qujattaryn vedomstvolyq esep júıelerinen túsiredi. Ári qaraı, qajetti túzetýler qolmen engizilip, burmalanǵan málimetteri bar qujattar keıin tólemge jiberiledi», - dep jazdy vedomstvodan.
Mundaı manıpýlıatsııalar mekteptiń atalǵan býhgalterlik esep júıeleri, Ulttyq bilim berý bazasy jáne Qazynashylyq-klıent bazasy arasyndaǵy ıntegratsııanyń bolmaýyna baılanysty júzege asqan.
Osyndaı faktilerdi boldyrmaý maqsatynda keńes qorytyndysy boıynsha ýákiletti organdar arasynda bilim berý salasyndaǵy sybaılas jemqorlyq táýekelderin joıý jónindegi «Jol kartasyna» qol qoıyldy.
