Antıkor Almaty oblysynyń sýdıasy men MKD qyzmetkerine qatysty tergeý júrgizýde

QONAEV. QazAqparat - Almaty oblysy boıynsha Sybaılas jemqorlyqqa qarsy qyzmet Mamandandyrylǵan aýdanaralyq ekonomıkalyq oblystyq sottyń sýdıasyna jáne Almaty oblysy Memlekettik kirister departamenti bólimshesiniń qyzmetkerine qatysty sotqa deıingi tergeý júrgizýde, - dep habarlaıdy QazAqparat tilshisi.

«Sýdıa memleket aldynda salyq bereshegi bar 2 kásiporyndy bankrot dep taný týraly azamattyq ister boıynsha sheshim shyǵarǵany úshin salyq organy qyzmetkeriniń deldaldyǵymen para aldy dep kúdiktenedi»,- delingen Sybaılas jemqorlyqqa qarsy is-qımyl agenttiginiń Almaty oblysy boıynsha departamenti baspasóz qyzmetiniń habarlamasynda.

QPK-niń 201-babyna sáıkes tergeý múddesi úshin ózge aqparat jarııa etýge jatpaıdy.

Konstıtýtsııanyń 77-baby 3-tarmaǵynyń 1 tarmaqshasyna jáne Qylmystyq-protsestik kodeksiniń 19-baby 1-bóligine sáıkes, qylmystyq quqyq buzýshylyq jasaýdaǵy kiná sottyń zańdy kúshine engen úkimimen belgilengenge deıin árqaısysy kinásiz dep esepteledi.