Antıkor Almaty oblysynyń basshylaryna nelikten konvert taratty - ákim jaǵdaıdy túsindirdi

ASTANA. QazAqparat – Almaty oblysynyń ákimi Marat Sultanǵazıev Sybaılas jemqorlyqqa qarsy is-qımyl agenttiginiń Almaty oblysy boıynsha departamenti jibergen hattar boıynsha pikir bildirdi, dep habarlaıdy QazAqparat tilshisi.

«Jalpy alǵanda baqylaýshy organdardyń tekserýlerine keletin bolsaq, ol josparlanady jáne keıbiri irikteýden ótip, tirkeledi. Bul jerde búgin bolǵan jaǵdaıdy kelesi kúngi oqıǵamen baılanystyrýdyń máni joq. Baqylaýshy organdardyń tekserý júrgizý týraly habarlamasynyń «Altyn orda» bazary dırektory orynbasarynyń ustalýymen baılanysy joq. Ustalýǵa kelsek, quqyq qorǵaý organdary qamaýǵa aldy, meniń túsinýimshe, tergeý júrgizilip jatyr», - dedi Marat Sultanǵazıev Ortalyq kommýnıkatsııalar qyzmetiniń kóshpeli baspasóz máslıhatynda.

Odan bólek, oblys basshysy «Altyn orda» bazaryndaǵy jaǵdaıǵa toqtalyp ótti.

«Altyn orda» bazaryna kelsek, tekserý nátıjesi kórsetedi. Tekserý ótken jyly bastalyp, Bas prokýratýra birqatar buzýshylyqty anyqtaldy. Úkimet deńgeıinde keńes ótkizildi. Óıtkeni, «Altyn Orda» bazarynda taýarlar iri kólemde jáne ondaǵy baǵa Almatyda ǵana emes, Qazaqstan boıynsha qalyptasady. Osyǵan baılanysty tekserý bastaldy. Olardyń qatarynda salyq organdary, monopolııaǵa qarsy agenttik, kóshi-qon polıtsııasy jáne basqa da baqylaýshy organdar bar», - deıdi ol.

Eske sala keteıik, 7 maýsym kúni Antıkordyń Almaty oblysynyń barlyq deńgeıdegi basshylaryna konvert taratyp jatqany týraly habarlaǵan edik.