Antıkor Almaty oblysynyń barlyq deńgeıdegi basshylaryna konvert taratyp jatyr

QONAEV. QazAqparat – Antıkor Almaty oblysynyń barlyq deńgeıdegi basshylaryna konvert jiberip jatyr, dep habarlaıdy QazAqparat tilshisi.

Sybaılas jemqorlyqqa qarsy is-qımyl agenttiginiń Almaty oblysy boıynsha departamenti «Konvertterde tek hattar bolýy kerek» aktsııasyn ótkizdi.

Shara aıasynda Almaty oblysynyń jergilikti atqarýshy organdarynyń basshylaryna ıaǵnı, oblys ákiminen bastap, aýdandyq bólim jetekshilerine deıin konvertter taratyldy. Onda jemqorlyqqa qarsy taqyrypta balalar salǵan sýretter bar.

Hatty alýshylardyń biri – Іle aýdany ákimi apparatynyń basshysy Azamat Jandosov: «Konvertti alyp, hatty oqydym. Buryn hatta týystary men jaqyndaryna degen ishki jan syry saqtalatyn bolǵan, al qazir konvert teris maqsatta paıdalanylatyndyǵy jasyryn emes. Balalardyń sýretteri keremet áser berdi. Mundaı konvertterdi alǵan ár adam ár qadamyn oılap, adal eńbektenedi dep oılaımyn. Óte durys bastama», – dedi.