Antıtsıklon Qazaqstannyń soltústik aýmaqtaryna yqpal etedi - 18 aqpanǵa arnalǵan aýa raıy boljamy
ASTANA. 17 aqpan. QazAqparat - Qazaqstan aýmaǵynyń soltústik jartysy 18 aqpan kúni antıtsıklonnyń yqpalynda bolady, dep habarlaıdy Qazgıdrometke silteme jasaǵan QR TJM-niń baspasóz qyzmeti.
«Kaspııdiń ońtústiginen respýblıkanyń ońtústik bóligine tsıklon jyljyp kele jatyr. Onymen baılanysty frontaldyq bólikter bul jerde jaýyn-shashynnyń túsýine, jeldiń kúsheıýine, jekelegen aýdandarda - tumanǵa ákelip soqtyrady», - dep naqtylaıdy sınoptıkter.
Mańǵystaý oblysynda keıbir jerlerde tuman túsip, jeldiń sekýndyna 15-20 metrge deıin kúsheıýi kútiledi.
Atyraý, Batys Qazaqstan oblystarynyń jekelegen aýdandarynda keıbir jerlerde jeldiń kúshi sekýndyna 15-20 metrge deıin jetip, jaıaý burqasyn bolady dep kútilýde.
Aqtóbe, Shyǵys Qazaqstan oblystarynyń keıbir jerlerinde jeldiń kúshi sekýndyna 15-22 metrge deıin jetedi.
Jambyl oblysynyń keıbir jerlerinde jeldiń kúshi sekýndyna 15-20 metrge deıin jetip, tuman, kóktaıǵaq baıqalady.
Ońtústik Qazaqstan, Qyzylorda oblystarynda - keıbir jerlerde jeldiń sekýndyna 15-20 metrge deıin kúsheıedi, tuman bolady. Almaty oblysynda túnde jáne tańerteń keıbir jerlerde tuman bolady, Jalańashkól stansasy aımaǵynda - ońtústik-shyǵystan sekýndyna 18-23 metrge deıin soǵatyn jeldiń ekpini 28 metrge deıin kúsheıe túsedi.
Taıaýdaǵy úsh táýlikte Ońtústik Qazaqstan, Qyzylorda, Jambyl, Almaty jáne Shyǵys Qazaqstan oblystarynyń ózenderinde muz qubylystaryna baılanysty sý deńgeıleriniń aýytqýlary baıqalady. OQO taýlarynyń tómengi aýmaqtaryndaǵy ózenderde qardyń erýi jáne jaýyn-shashynǵa baılanysty sý deńgeıleriniń kóterilýi múmkin. 18-20 aqpan kúnderi Shardara sý qoımasyna 1420-1430 m3/s shamasynda sý quıylady dep kútilýde.
