Antıbıotıkke tózimdilik máselesi jańa týǵan sábılerde de baıqaldy
ASTANA. KAZINFORM — Jańa týǵan nárestelerdiń ómiriniń alǵashqy saǵattarynda-aq antıbıotıkterge tózimdilikke baılanysty gender anyqtalady, dep habarlaıdy BILD.
Jańa týǵan nárestelerdiń ómiriniń alǵashqy saǵattarynda-aq antıbıotıkterge tózimdilikke baılanysty gender anyqtalýy múmkin. Bul týraly Mıýnhende ótken Eýropalyq klınıkalyq mıkrobıologııa jáne juqpaly aýrýlar qoǵamynyń kongresinde Salonıkıdegi Arıstotel ýnıversıtetiniń ǵalymdar toby habarlady.
Zertteýshiler mekonııdi — 105 náresteniń alǵashqy nájisin zerttep, úlgilerdiń barlyǵyna derlik osyndaı gender tabylǵanyn málimdedi.
Ǵalymdar tobynyń dereginshe, eń jıi kezdesken gender — oqxA jáne qnrS, olar keń taralǵan antıbıotıkterge tózimdilikpen baılanysty. Orta eseppen bir úlgide antıbıotıkke tózimdiliktiń segiz geni anyqtalǵan. Avtorlar muny alańdatarlyq belgi dep baǵalap, bul jaǵdaıǵa analardan berilýi jáne balanyń aýrýhana ortasymen eń alǵashqy baılanystary áser etýi múmkin ekenin boljaıdy.
Alaıda bul ázirge ǵylymı kongresste usynylǵan nátıjeler ǵana, ıaǵnı retsenzııalanǵan ǵylymı jýrnalda jarııalanǵan tolyq zertteý emes. Zertteýshiler mundaı genderdiń balalardyń densaýlyǵyna bolashaqta qalaı áser etetini ázirge naqty belgisiz ekenin atap ótti.
Buǵan deıin Dúnıejúzilik densaýlyq saqtaý uıymy mıkrobqa qarsy preparattarǵa tózimdilikti jahandyq densaýlyq saqtaý salasyndaǵy eń iri qaýipterdiń biri dep ataǵan bolatyn.
