Antıbıotık jylyna 10 mln. adamnyń ajalyna sebepker bolady
ASTANA. QazAqparat - Dárigerdiń taǵaıyndaýynsyz, óz betinshe antıbıotıkterdi jıi qabyldaýshylardyń kóbeıýi saldarynan Dúnıejúzilik densaýlyq saqtaý uıymy antıbıotıkti durys paıdalaný aptasyn ótkizetin bolyp sheshti. Bul aptalyqty Reseı de ótkizbekshi.
Antıbıotıkter jáne osy tárizdi dáriler jyldam jazylýǵa qalaı járdemdesse, ǵalymdardyń sońǵy derekterin eskersek, ólimge ákeletin keri yqpaly da sonshalyqty kóp. Olardyń aıtýynsha, bas-kóz joq dárilerdi tutyna berý, jylyna kem degende 10 000 000 adamnyń ómirmen qosh aıtysýyna ákelýi múmkin eken.
Dárigerler taǵaıyndaýsyz dári qabyldaıtyn adamdardyń sany jyl sanap artyp kele jatqanyna alańdaýly. Sebebi ony mólsherden tys qabyldaý adam ólimine alyp ákelip jatady. Dárigerler dárini tek dárigerdiń taǵaıyndaýy boıynsha qabyldaýdy usynady.
Aǵza dárige úırenip alǵandyqtan, emdelý barysynda naýqas preparatqa rezıstentti bolyp, dárigerler barynsha kúshti preparat qoldanýǵa májbúr bolady. Aqyr sońynda munyń keri yqpaly arta túsedi - dep málimdedi dárigerler, dep jazady sheteldik BAQ. Foto: ziv.ru
