Anthropic kompanııasy IPO aldynda 80 mlrd dollar shyǵynǵa ushyrady
ASTANA. KAZINFORM — Anthropic kompanııasy Baǵaly qaǵazdar jáne bırja komıssııasyna joldaǵan esebinde mol kirisi jaıly, sondaı-aq jasandy ıntellekt modelderin iske qosýǵa qajet bulttyq qyzmetterge buryn-sońdy bolmaǵan shyǵyn jumsaǵanyn málimdedi, dep habarlaıdy Kazinform agenttiginiń menshikti tilshisi NBC News-ke silteme jasap.
Anthropic aktsııalary erkin aınalymǵa qarasha aıynyń ortasynda shyǵarylmaq. Sarapshylar IPO Claude ázirleýshisiniń naryqtaǵy kapıtalızatsııasyn 2 trıllıon dollardan asyrady dep boljap otyr. Boljam aqtalsa, Ilon Masktyń SpaceX kompanııasy ornatqan rekordtan asyp túsýi múmkin.
IPO ótiniminde aktsııalardyń boljaldy baǵasy, bırjaǵa shyǵarylatyn aktsııalar sany nemese kompanııanyń jalpy baǵasy kórsetilmegen. Bul derekter Anthropic ınvestorlar men bankırler aldyndaǵy tanystyrylymnan keıin belgili bolady.
Kompanııa 2036 jyldyń sáýirine deıin Amazon bulttyq qyzmetterine kem degende 110 mıllıard dollar, 2029 jylǵa deıin SpaceX bulttyq qyzmetterine taǵy 120 mıllıard dollar, Google-men birlesip quratyn esepteý ınfraqurylymyna 115 mıllıard dollar jáne 2033 jylǵa deıin Microsoft-pen seriktestikke 45 mıllıard dollar jumsaýdy josparlap otyr.
Esepte 2026 jyldyń 30 maýsymynda aıaqtalǵan úsh aıynda kiristiń byltyrǵy osy kezeńmen salystyrǵanda 1368%-ǵa óskeni aıtylǵan.
Serverler men chıpterdi jalǵa alý quny osy kezeńde 300%-ǵa ósti.
Anthropic kompanııasynyń 2026 jyldyń alǵashqy alty aıyndaǵy taza shyǵyny 80,7 mıllıard dollardy qurady. Al 2025 jyly kompanııanyń shyǵyny 42 mıllıard dollar bolǵan.
Anthropic kompanııasy aǵymdaǵy aqsha aǵyny men satylymy aldaǵy 12 aıǵa jetetinin kútip otyr, sondyqtan qosymsha qarjyny kútilgennen erterek izdeýi kerek.
Anthropic shyǵyndary men qaryz alý kórsetkishteri jaqsy bolǵanmen, «bolashaqtaǵy kirisi jetkilikti bolmaýy múmkin ekenin» eskertti. Kompanııanyń málimdeýinshe, sońǵy kezeńderde kiris aıtarlyqtaı óskenine qaramastan, onyń jobalary kóbirek kapıtaldyq salýdy qajet etedi.
Buǵan deıin Anthropic basshysy jasandy ıntellektiniń basty qaýipterin ataǵan bolatyn.
JI agentterine qatysty daý týyndap, Anthropic jáne OpenAI basshylary Aýstralııa Senatyna shaqyryldy.
