Antarktıkada buryn beımálim bolyp kelgen aral tabyldy
ASTANA. KAZINFORM - Antarktıkadaǵy Ýeddell teńizinde júrgizilgen ekspedıtsııa barysynda buryn ǵylymı ortaǵa belgisiz bolyp kelgen aral anyqtaldy, dep habarlaıdy Armenpress.
Nemistiń Polarstern muzjarǵysh kemesiniń bortyndaǵy halyqaralyq zertteýshiler toby bul jańalyqty kútpegen jerden baıqaǵan. Bul týraly Alfred Vegener atyndaǵy Polıarlyq jáne teńiz zertteýleri ınstıtýty málimdegen.
Instıtýttyń málimetinshe, 2026 jylǵy 8 aqpannan beri 93 adamnan turatyn halyqaralyq ekspedıtsııa Ýeddell teńiziniń soltústik-batys bóligin zerttep keledi.
Ǵalymdar men keme ekıpajy teńiz kartalarynda tek qaýipti aımaq retinde belgilengen aýmaqta araldyń kenetten paıda bolǵanyn kórip, tańǵalǵan.
Zertteý nátıjesinde jartas qurylymdy araldyń uzyndyǵy shamamen 130 metr, eni 50 metr, bıiktigi 16 metr ekeni anyqtalǵan.
Mamandardyń aıtýynsha, aral osy ýaqytqa deıin spýtnıktik sýretterde muz jamylǵysynyń áserinen aısbergpen shatastyrylyp kelgen bolýy múmkin.
Qazirgi ýaqytta aralǵa ataý berý rásimin bastaý máselesi qarastyrylyp jatyr.
Osyǵan deıin qus jolynyń qaq ortasynan belgisiz ǵalamshar tabylǵany týraly jazdyq.