Antarktıkada álemdegi eń iri teńiz qoryǵy salynady
ASTANA. QazAqparat - 24 el delegatsııasy men Eýroodaq ókilderi Antarktıkada álemdegi eń iri teńiz qoryǵyn salýdy maquldady, dep habarlaıdy RIA Novostı.
Antarktıkanyń tiri teńiz resýrstaryn saqtaý jónindegi komıssııanyń (ANTKOM) jyl saıyn ótetin kezdesýi bıyl aýstralııalyq Hobartta ótti.
Jańa Zelandııa SІM basshysy Mıýrreı Makkalıdiń málimdeýinshe, ANTKOM sheshimimen qurylǵan Rossa teńizindegi qoryq zonasy 1,55 mıllıon sharshy shaqyrymnan asady. Bul aýmaqta 35 jylǵa balyq aýlaýǵa tyıym salynady.
Mınıstrdiń aıtýynsha, qoryq qurý týraly kelisim 2017 jyldyń 1 jeltoqsanynda kúshine enedi. Ońtústik muhıttyń tek 2%-yn alatyn Rossa teńizinde Adelı pıngvınderiniń álemdik popýlıatsııasynyń 38%, daýylpazdardyń (býrevestnık) 30% jáne teńbil baýyrly kıtterdiń 6% tirshilik etedi.
