Antarktıka jaǵalaýynda álemdegi iri teńiz qoryǵy ashylmaq
ASTANA. 14 shilde. QazAqparat - Bremerhafende (Germanııa) Antarktıka tiri teńiz resýrstaryn saqtaý jónindegi halyqaralyq komıssııanyń arnaıy ǵylymı otyrysy bastaldy, dep habarlady Lenta.rý.
Halyqaralyq komıssııa Antarktıka jaǵalaýynda álemdegi eń iri teńiz qoryǵyn jasaý máselelerin taqylaýda. Shara 16 shildege deıin sozylady.
Áńgime Rossa teńizi dep atalatyn kólemi 2,3 mıllıon sharshyshaqyrymdy alyp jatqan aýmaq jóninde bolyp otyr. Osy teńizdiń ekojúıesi álemdik muhıttyń biregeı tumsa tabıǵaty bolyp sanalady. Sonymen qatar Antarktıdanyń jaǵalaýynda kólemi 1,63 mıllıon sharshyshaqyrymdyq birneshe aýdandy qorǵaýǵa alý usynylýda. Bul aımaqtarda kóptegen tiri organızmder (10 myńnan astam) tirshilik etedi, sonyń ishinde pıngvınder, kıtter jáne teńiz mysyqtary bar.
Ońtústik muhıt - Antarktıkany qorshaǵan sýlardyń shartty ataýy. 2000 jyly Halyqaralyq gıdrogeografııalyq uıym Ońtústik muhıtty resmı taný týraly daýys berý ótkizdi. Oǵan anyqtama retinde «ońtústik endiktiń 60-paralelinen ońtústikke qaraı sý alaby» usynyldy.
