Antarktıdany baǵyndyrǵan qazaqtar ekspedıtsııa barysynda qandaı qaýipterge kezdeskenin aıtyp berdi
«Túrli sátter, san alýan problemalar boldy. Biz abaısyzda palatkamyzdy da órtep aldyq. Qıyndyqtar da boldy. Degenmen biz olarǵa daıyn edik. Biz Vınson (Antarktıdanyń eń bıik shyńy) shyńyna shyqqan kezimizde aýa raıy óte qolaısyz boldy. Jeldiń jyldamdyǵy saǵatyna 25-30 shaqyrymǵa deıin jetti. Sol jerde 2 saýsaǵymdy úsitip aldym. Іlııas ta (ekspedıtsııa múshesi Ǵalymbekov) aıaǵyn úsitti. Biraq, biz oǵan daıyn boldyq», - dedi Saǵymbaev Ortalyq kommýnıkatsııalar qyzmetindegi brıfıng barysynda.
Ol qyzyqty sátterdiń de bolǵanyn atap ótti. Máselen, Saǵymbaev Vınson shyńyna Qazaqstan Táýelsizdiginiń 25 jyldyq mereıtoıy kúninde memlekettik týdy jelbiretken sát ekspedıtsııa músheleriniń máńgi esinde qalatyndyǵyn basa aıtty. Al, Іlııas Ǵalymbekov bolsa 21 jasqa tolǵan týǵan kúnin Ońtústik polıýste atap ótken.
«Ekspedıtsııamyzdyń árbir múshesi óz mindetterin 100 paıyzǵa oryndady. Qıyn sátterde bir-birimizge qoldaý kórsettik. Jyldar boıǵy kásibı tájirıbe-daǵdymyz da kádege jarady», - dedi ekspedıtsııa kapıtany.
Aıta keteıik, «Qazaq geografııalyq qoǵamy» el Táýelsizdiginiń 25 jyldyǵyna arnap Ońtústik polıýske ekinshi qazaqstandyq ekspedıtsııany uıymdastyrǵan bolatyn. Ótken jyldyń jeltoqsan aıynyń basynda ótken bul ekspedıtsııanyń quramyna alpınıster - Іlııas Ǵalymbekov pen ıÝrıı ıÝshın, ǵalymdar - Álııa Ernazarova, Arman Baımuhambedov jáne Dáýlet Sháripovter kirdi. Qazaqstan Respýblıkasynyń 25 jyldyǵyna arnalǵan «Táýelsizdik polıýsi» ǵylymı-zertteý ekspedıtsııasynyń top jetekshisi Maǵjan Saǵymbaev boldy. Ǵalymdar Ońtústik polıýste ekologııa, bıologııa jáne adam fızıologııasy salalarynda zertteý jumystaryn júrgizdi.
Vınson shyńy Ońtústik polıýsten 1200 shaqyrym jerde ornalasqan jáne «7 summits» baǵdarlamasyna kiredi. Ekspedıtsııa qatysýshylary Ońtústik polıýske deıin 200 shaqyrym jerdi shańǵymen júrip ótti.
