Antarktıdaǵa qalaı jetýge bolady
ASTANA. QazAqparat - Qazaq geografılyq qoǵamy tóralqasynyń tóraǵasy Tólegen Tastanbekov álemniń túkpir-túkpirine, onyń ishinde Antarktıdaǵa da sapar jasaıtyn ekspedıtsııa quramyna qalaı kirýge bolatynyn aıtty, dep habarlaıdy QazAqparat.
«Qazirgi ýaqytta Qazgeo-ǵa múshelik máselesi jan-jaqty qarastyrylyp jatyr. Bizdiń óz saıtymyz, áleýmettik jelilerde paraqshamyz bar. Saıttan da qarap otyrýǵa bolady. Múshelikke qabyldaý aldyn ala jarııa etiledi. Nıeti bar kez kelgen adam ótinish bere alady dep oılaımyn. Buǵan deıin atap ótkenimdeı irikteý jeke-jeke júrgiziledi. Áńgimelesý ótkizetin keńes bar. Fızıkalyq jáne basqa da daıyndyqtary tekseriledi. Eń bastysy adam moraldyq jáne fızıkalyq turǵyda daıyn bolýy tıis. Al qalǵanyn júzege asyrýǵa bolady dep esepteımin», - dedi ol Ortalyq kommýnıkatsııalar qyzmetindegi brıfıngte.
Aıta keteıik, Ortalyq komýnıkatsııalar qyzmetindegi brıfıng barysynda ekspedıtsııa kapıtany Maǵjan Saǵymbaev Ońtústik polıýske jasaǵan saparlary barysynda kezdesken qıyndyqtarmen bólisip, qyzyqty sátter jaıynda aıtyp bergen bolatyn.
Este bolsa, «Qazaq geografııalyq qoǵamy» el Táýelsizdiginiń 25 jyldyǵyna arnap, Ońtústik polıýske ekinshi qazaqstandyq ekspedıtsııany uıymdastyrǵan bolatyn. Ótken jyldyń jeltoqsan aıynyń basynda ótken bul ekspedıtsııasynyń quramyna alpınıster Іlııas Ǵalymbekov pen ıÝrıı ıÝshın, ǵalymdar Álııa Ernazarova, Arman Baımuhambetov jáne Dáýlet Sháripov kirdi. Qazaqstan Respýblıkasynyń 25 jyldyǵyna arnalǵan «Táýelsizdik polıýsi» ǵylymı-zertteý ekspedıtsııasynyń top jetekshisi Maǵjan Saǵymbaev boldy.
Ǵalymdar Ońtústik polıýste ekologııa, bıologııa jáne adam fızıologııasy salalarynda zertteý jumystaryn júrgizdi.
Vınson shyńy Ońtústik polıýsten 1200 shaqyrym jerde ornalasqan jáne «7 summits» baǵdarlamasyna kiredi. Ekspedıtsııa qatysýshylary Ońtústik polıýske deıin 200 shaqyrym jerdi shańǵymen júrip ótti.
