Antarktıdadan pıramıda pishindi taý tabyldy
NЬıÝ-IORK. QazAqparat – Antarktıdanyń spýtnıkten túsirilgen sýretterinen pıramıda tárizdi taý tabyldy, dep habarlaıdy QazAqparat Unilad saıtyna silteme jasap.
Mysyrdaǵy Uly Gıza pıramıdasyna uqsaıtyn eki de eki sharshy shaqyrym bolatyn úlken taý jeli qoldanýshylaryn tańǵaldyrdy.
Twitter qoldanýshylarynyń biri: «Bul sý tasqynyna deıingi órkenıetke tıesili. Shamamen 10 000 jyl buryn Antarktıda jyly bolǵan» degen pikir bildirdi.
Aıta ketetini, ǵalymdar Antarktıdada ósimdikter tirshiliginiń belgilerin burynnan tapqan, bul landshaft bir kezderi ortasha temperatýrasy shamamen 12 ° C bolatyn tropıkalyq ormanmen jabylǵan. Bul shamamen 83 mıllıon jyl buryn bolǵan, sondyqtan pıramıda salynýy da ábden múmkin. Alaıda onyń pıramıda emes ekenin dáleldeıtin taǵy bir derek bar. Bul aqparat tarala bastaǵanda professor Erık Rıno LiveScience jýrnalyna tyń jańalyq aıtty. Sýrettegi pıramıda ekeni aıqyn kóringenimen Rıno: «Bul pıramıdaǵa uqsaıtyn taý ǵana», - dep túsindirdi.
Bul pıramıda shyn máninde «taýdyń pıramıdaly shyńy» dep atalatyn muzdyq aımaqtardyń ereksheligi bolyp sanalady. Olar muzdyqtardyń qurlyq massasynyń búıirlerine jaqyndaýy nátıjesinde paıda bolady. «Kóptegen shyńdar pıramıdalarǵa uqsaıdy, biraq olardyń bir nemese eki qyry bar, tórt qyrlylary óte sırek», - dedi Rıno.
Máselen, Islandııadaǵy Býlandstındýr taýy jáne Farer aralyndaǵy Bordoıarnes taýy.
