Antarktıdadaǵy muzdyq álem muhıty deńgeıin 3 metrge kóterýi múmkin

ANTARKTIDA. QazAqparat – Antarktıdadaǵy Florıda ólshemdes muzdyqtyń erýi álemde haos týdyrýy múmkin, óıtkeni ǵalymdar bul álem muhıty deńgeıin 3 metrge deıin kóteredi dep boljap otyr, dep habarlaıdy QazAqparat tilshisi CBS News-ke silteme jasap.

Týeıts muzdyǵy – álemdegi eń úlken muzdyq, onyń eni – 128,7 shaqyrym. Ǵalamshar jylyǵan saıyn onyń muzy erip jatyr. Ǵalymdar birneshe jylda tez erı bastaǵan muzdyqqa «Aqyrzaman muzdyǵy» degen ataý bergen.

Muzdyqtyń erýinen muhıt tabanynda qozǵalýy kezinde túzilgen 160 parallel jotasyn zertteı kele ǵalymdar onyń jylyna 2,1 shaqyrym jyldamdyqpen jyljıtynyn anyqtaǵan. Bul – 1996-2009 jyldarǵy jyldamdyǵynan eki, 2011-2017 jyldardaǵydan úsh ese jyldam. Zertteý nátıjesi Nature Geoscience jýrnalynda jarııalandy.

Týeıts muzdyǵy alyp muz keseginiń astynan ótetin jyly sýdan erip jatyr. Ǵalymdar onyń sońǵy tiregi 5 jyl ishinde tolyqtaı qıraýy múmkin ekenin eskertedi. Muzdyqtyń jerge tıetin aımaǵyna jyly sýdyń ótip jatqany alǵash ret 2020 jyly belgili bolǵan.

Foto: www.wbrc.com