Antarktıdada jańa temperatýra rekordy tirkeldi

ASTANA. KAZINFORM - Ǵalymdar jerdiń sýyq polıýsi ornalasqan Antarktıdadaǵy «Vostok» stantsııasynda (rekordtyq mınımým 1983 jyly -89,2 gradýs) jańa temperatýra maksımýmy (-34,2) gradýsty tirkedi, dep jazady TASS.

Qazir Antarktıdada qys, shilde jáne tamyz aılary kontınent úshin eń sýyq aılar. Alaıda tirkelgen temperatýra planetanyń eń sýyq núktesinde qys aılary úshin jyly bolyp tur, dep habarlady Arktıka jáne Antarktıka ǵylymı — zertteý ınstıtýtynyń (AANIA) baspasóz qyzmeti.

- Arktıka jáne Antarktıka ǵylymı-zertteý ınstıtýtynyń ǵalymdary jerdiń eń sýyq núktesin turaqty baqylaý kezinde qystyń maksımaldy temperatýrasyn tirkedi. 2024 jyldyń 6 tamyzynda Ortalyq Antarktıdadaǵy «Vostok» stantsııasynda termometr baǵany -34,2 gradýsty kórsetti. 2024 jyldyń 7 tamyzynda Vostok stantsııasynda - 48,8 gradýsqa deıin salqyndady,-dedi baspasóz qyzmeti.

Instıtýt shilde aıynda stantsııadaǵy ortasha jyldyq temperatýra - 66,6 gradýs, tamyzda -67,6 gradýs bolǵanyn málimdedi. «Vostoktaǵy» temperatýra planetadaǵy eń ekstremaldy temperatýra sanalady, sondyqtan ony ólsheý úshin -100-den +20 gradýsqa deıingi arnaıy shkalasy bar termometr qoldanylady.