Antarktıdada tarıhta bolmaǵan sýyq temperatýra tirkeldi
ASTANA. 9 jeltoqsan. QazAqparat - Antarktıdadaǵy japonııalyq «Kýpol Fýdzı» zertteý stansasynda aýa temperatýrasy Tselsıı shkalasy boıynsha mınýs 91,2 gradýsty kórsetip, jańa rekord ornatty,
dep habarlaıdy The Sunday Times. Jer betinde buryn-sońdy mundaı tómen temperatýra bolmaǵan deıdi ǵalymdar.
Aýa-raıy ólshemin jer serikteri bergen málimetterge súıene otyryp amerıkalyq qar men muzdy zertteý ortalyǵy anyqtaǵan. Mamandardyń málimetinshe, temperatýranyń rekordtyq kórsetkishi teńiz deńgeıinen 3720 metr bıiktikte, jelsiz, jaýyn-shashynsyz kezde oryn alypty.
Buǵan deıin eń sýyq temperatýra 1983 jyly tirkelgen bolatyn. Ol kezde "Vostok" keńestik zertteý ortalyǵynyń mańynda termometr Tselsıı shkalasy boıynsha -89,2 gradýsty kórsetken edi, dep habarlaıdy Baq.kz.
