Antarktıdada klımattyq haos oıanyp jatyr — Antonıý Gýterrısh

BUU Bas hatshysy Antarktıdadaǵy erip jatqan muzdyqtardy aralap, elderdi «temperatýranyń 1,5 gradýs Tselsııge deıin kóterilýin shekteý, adamdardy klımattyq haostan qorǵaý jáne qazbaly otyn dáýirin toqtatý úshin dereý áreket etýge» shaqyrdy, dep habarlaıdy QazAqparat euronews arnasyna silteme jasap.

Dýbaıda ótken COP28 jıyny qarsańynda BUU Bas hatshysy Antonıý Gýterrısh Antarktıdadaǵy erigen muzdyqtar týraly aıtty.  

— Antarktıdany «uıqydaǵy alyp» dep ataıdy. Jáne ony klımattyq haos oıatady. Antarktıkadaǵy teńiz muzy rekordtyq deńgeıge jetti, — dedi ol. 

BUU bas hatysy adamdardyń ózara baılanysty álemde ómir súrip jatqanyn, sondaı-aq qazba otynynyń lastanýy planetamyzdy qyzdyryp, Antarktıdadaǵy klımattyq anarhııany týdyratynyn tilge tıek etti. Ol áńgime barysynda Ońtústik muhıt jahandyq jylynýdan túsetin jylýdyń kóp bóligin sińiretinin atap ótti.