Antarktıdada qardyń erýi kúsheıip barady
NUR-SULTAN. QazAqparat - Antarktıdada tirkelgen joǵary temperatýraǵa baılanysty Igl aralynda qar jamylǵysynyń 20%-ǵa jýyǵy erip ketti, dep habarlaıdy CNN.
NASA usynǵan jańa spýtnık sýretterinde Igl aralynyń (Antarktıda túbeginiń soltústik-shyǵysynda ornalasqan) 2020 jyldyń aqpanynda tirkelgen Antarktıdadaǵy ystyq bastalǵan jáne aıaqtalǵan ýaqyttaǵy beınesi jarııalandy. Toǵyz kúnniń ishinde bul aralda jalpy maýsymda jınalǵan qardyń 20%-y erigen.
«Antarktıdada bulaı eshqashan tez erigen emes. Qar men muzdyń bulaı erýi buryn Alıaska men Grenlandııada baıqalǵan edi, biraq Antarktıdada emes», - dep atap ótti amerıkalyq geolog Maýrı Pelto.
Budan buryn habarlanǵandaı, 9 aqpanda Seımýr aralynda temperatýra 20,75 gradýs jylylyqty kórsetip, rekord ornatqan edi.
