Antarktıdada ekstremal marafonshylardyń jarysy ótti
ASTANA. QazAqparat - Antarktıdada ekstremal marafonshylardyń muz ústindegi jyl saıynǵy Antarctic Ice Marathon jarysy ótti, dep habarlaıdy QazAqparat euronews.com-ǵa silteme jasap.
Bul ózi erekshe báseke. Sportshylar ádettegideı sý quıylǵan bótelkelerdiń ornyna ystyq sýsyn alyp, jermen emes ushy-qıyry joq muzdyń ústimen júgiredi.
Bıylǵy jarysqa qatysqan 15 eldiń marafonshylary arasynda Polsha jáne Lıtvadan kelgen sportshylar jeńimpaz atandy. Erler arasynda eń qysqa ýaqyt 3 saǵat 49 mınýt, al áıelder arasynda 5 saǵat 3 mınýtty qurady. Sarapshylardyń aıtýynsha, qatań aýa raıy jaǵdaılarynda osynyń ózi jaqsy jetistik.
Bir qyzyǵy, Antarktıda marafonyna qatysý úshin erik-jigerli bolýdyń ózi jetkiliksiz, ol qaltaly bolýdy da qajet etedi. Muzdy qurlyqqa kelip, marafon qashyqtyǵyn baǵyndyrý úshin árbir qatysýshy 15 myń eýro tóleýine týra kelgen.
