Antarktıdada aýmaǵy Los-Andjeleske teń alyp muzdyq opyryldy
NUR-SULTAN. QazAqparat – Spýtnıkten túsirilgen sýretterge sáıkes, rekordtyq joǵary temperatýra saldarynan Antarktıdadaǵy úlken muzdyqtyń bir bóligi opyrylyp tústi, dep habarlaıdy QazAqparat Bloomberg saıtyna silteme jasap.
Aısberg S-38 dep tanylǵan Konger muzdyǵy Ýılks jeri mańynda qars aıyryldy. AQSh-tyń Ulttyq muz ortalyǵy keleńsiz jaǵdaı týraly 17 naýryzda Konkordııa stansasynda temperatýra buryn-sońdy bolmaǵan 11 gradýs Farengeıtke (Tselsıı boıynsha -11,8) jetkennen keıin habarlady.
Onyń shamamen 1200 sharshy shaqyrym jerdi (496 sharshy mıl) alǵany, al kólemi Los-Andjeleske teń bolǵany jáne aıdyń ortasyndaǵy ystyq kún raıynyń sharyqtaý núktesine jetkendigi atap ótilýde, dep jazdy Tvıtterde NASA ǵalymy Ketrın Kolello Ýoker.
Ǵalymdar mundaı qubylystardyń klımattyń ózgerýine baılanysty jıilep ketkenin aıtyp otyr. Aqpanda teńiz muzynyń kólemi rekordtyq eń tómen kórsetkishke deıin azaıǵan.
