Antarktıdada alǵash ret jemis-jıdek ósirildi
ASTANA. QazAqparat - Qytaılyq dáriger Antarktıdada alǵash ret jemis-jıdek ósirdi. Bul jańalyqty Antarktıdany zertteý jóninen Qytaı memlekettik ortalyǵynyń ǵalymy ıÝı Vansıan málim etti.
Onyń aıtýynsha, eldiń Tszıansı provıntsııasynan shyǵyp, qytaılyq ekspedıtsııa quramynda muzdy qurlyqqa kelgen Van Chjen atty dáriger qarap otyrmaı, munda jemis-jıdek ósirip shyǵarypty. Endi osynyń arqasynda ekspedıtsııa músheleri jemis-jıdekpen de tamaqtanatyn bolady, dep habarlaıdy 24.kz. Muzdy qurlyqqa tamaq tek syrttan jetkiziletin bolǵandyqtan jemis-jıdek pen kókónis ataýlynyń bári munda tapshy jáne jeńsik as bolyp sanalady. Sondaı-aq sýyq aýa raıyna baılanysty munda ádettegideı úsh emes, kúnine 4-5 ret tamaqtaný kerek eken. Endi Van Chjen ósirgen jemis-jıdek pen kókónis mundaǵy qytaılyq ekspedıtsııanyń Antarktıdada burynǵydan uzaǵyraq ýaqytqa qalyp, «azyq-túlik taýsylyp qalady» dep alańdamastan jumysyn jalǵastyrýyna jol ashady, dep jazady cri.cn.
Foto: https://russian.cri.cn/
