Antarktıdada 36 myń jańa týǵan pıngvın ashtan qyrylyp qaldy
ASTANA. QazAqparat - Shyǵys Antarktıdada 36 myńǵa jýyq jańa týǵan pıngvın ashtyqtan ólgen. 36 myń pıngvınnen tek ekeýi ǵana aman qaldy, dep habarlaıdy The Telegraph .
Janýarlardyń jappaı qyrylýy soltústik muzdardyń jyldam erýi saldarynan bolýda. Ǵalamdyq jylyný Adelıdi mekendeıtin janýarlardyń tamaq taýyp jeý jaǵdaılaryn aıtarlyqtaı qıyndatqan. Olar qorek tabý úshin qonysynan alysqa uzaýǵa májbúr. Sóıtip tamaqsyz qalǵan jas pıngvınder qyrylyp qalǵan.
The Telegraph basylymynyń habarlaýyna qaraǵanda, Antarktıkadaǵa janýarlar resýrsyn qorǵaý týraly komıssııanyń músheleri 16 qazanda bas qosyp, ǵalamdyq jylyný, janýarlardy saqtap qalý máselelerin talqylamaq. Atalǵan komıssııanyń quramynda 24 memleket pen Eýrodaqtyń músheleri bar.
Aıta keteıik, soltústik jarty shardaǵy pıngvınderdiń jappaı qyrylý oqıǵasy birinshi bolyp otyrǵan joq. Osydan 4 jyl buryn kúnniń kúrt sýytýynan 20 myń pıngvın qyrylyp qalǵan edi.
FOTO: telegraph.co.uk
