Antarktıda muzy qaq jaryldy

ASTANA. QazAqparat - Ulybrıtanııanyń Antarktıkalyq basqarmasy ushqyshsyz qurylǵynyń kómegimen Antarktıdanyń muz qabatynyń jarylǵanyn túsirip alǵan. Jaryqtyń uzyndyǵy 40 shaqyrymdy quraıdy, al ol Halley VI ulttyq stansasynyń ýaqytsha jabylýyna alyp kelgen.

Qurlyqtyń qıyr ońtústiginde paıda bolǵan muz qaırańyndaǵy jaryq brıtandyq ǵalymdardyń stansasynan nebári 17 shaqyrymdaı qashyqtyqta, al jaryqtyń odan ári ulǵaıý qaýpi bar. Onyń ne sebepti paıda bolǵanyn - jahandyq jylymyqtan nemese basqa bir sebepterden bolǵanyn ǵalymdar zertteý júrgizgennen keıin aıtady.

Halley VI - Antarktıdadaǵy Ýeddell teńiziniń Branta muz qaırańynda ornalasqan brıtandyq polıarlyq stansa.