Antarktıda muzdarynyń astynan 91 janartaý tabyldy
ASTANA. QazAqparat - Edınbýrg ýnıversıtetiniń bir top ǵalymy Antarktıda muzdarynyń astynan 91 janartaý tapty, dep habarlaıdy 24.kz Guardian basylymyna silteme jasap.
Bul tizbek álemdegi eń iri janartaý beldigine úmitker. Janartaýdyń bıiktigi 100-den 3,85 myń metrge deıin materıktiń batys shetinde ornalasqan. Olardy eki shaqyrymdyq muz qabaty japqan. Bul janartaýlardy tabý úshin ǵalymdar eń aldymen qurlyqtyń muz astyndaǵy jasyryn betin zerttegen, keıin ǵaryshtan túsirgen sýretterdi salystyra otyryp, alynǵan málimettterdi bir júıege keltirgen.
Zertteý ekspedıtsııasynyń múshesi Robert Bıngemniń aıtýynsha, Rossa qaırańdyq muzdyqtarynyń astyndaǵy teńiz túbinde janartaýlardyń álemdegi eń bıik shoǵyry ornalasqan bolýy múmkin. Qazir mamandar tabylǵan janartaýlardyń qanshalyqty belsendi ekenin jáne atqylaý qaýpi bar ma, joq pa degen saýaldardyń jaýabyn izdeýge kóshken.
