Antalıada ájethanada sábıin qaldyryp ketken áıelge qatysty qylmystyq is qozǵaldy
MÁSKEÝ. KAZINFORM - Áýejaıdaǵy ájethanada jańa týǵan sábıin qaldyrǵan reseılik Ekaterına Býrnashkınaǵa qatysty jańa týǵan náresteni óltirýge oqtalý babymen qylmystyq is qozǵaldy. Bul týraly RIA Novostı agenttigi asyrap alýshy ata-analardyń advokaty M.ıAkovlevaǵa silteme jasap habarlady, dep jazady agenttik tilshisi.
Qylmystyq isti Elektrostal qalasynyń tergeý bólimi qozǵaǵan. 20 tamyz kúni Máskeý oblysy Pavlovo-Posad qalalyq sotynda Býrnashkınany ata-ana quqyǵynan aıyrýǵa qatysty aldyn ala tyńdaý ótti.
Bul protsesti jańa týǵan qyzdy asyrap alǵan ata-analar bastaǵan. Іs jabyq rejımde qaralyp, 4 qyrkúıekte jalǵasady. Talapker úshinshi tarap retinde Reseı SІM ókilderin tartýdy suraǵan.
Reseılik áıel 2024 jyldyń qazan aıynda Antalıa áýejaıynda ustalǵan. Ol ájethanada bosanyp, balany sonda qaldyryp, Reseıge ushyp ketpek bolǵan. Sábıdi áýejaı qyzmetkerleri taýyp alǵan.
Bıyl aqpanda Antalıadaǵy aýyr qylmystar jónindegi sot E.Býrnashkınany jaqyn týysyn óltirýge oqtaldy degen aıyppen 15 jylǵa bas bostandyǵynan aıyrýǵa úkim shyǵardy. Alaıda 9 shildedegi otyrystan keıin apellıatsııalyq sot qylmysty qaıta saralap, Býrnashkınany qamaýdan bosatty.
Qazir bala basqa otbasyda turyp jatyr. Qyzdyń kimmen qalatynyn sot sheshedi. Al týǵan anasy ony qaıtaryp alyp, ózi ósirgisi keletinin málimdegen.