Antalıada 4,8 baldyq jer silkinisi boldy

ASTANA. KAZINFORM – Keshe túnde Ankara ýaqytymen caǵat 22:13-te (Astana ýaqytymen 00:13) Túrkııanyń Antalıa provıntsııasynda magnıtýdasy 4,8 baldyq jer silkinisi boldy, dep habarlaıdy Kazinform menshikti tilshisi.

Túrkııa úkimetiniń Tabıǵı apattardyń aldyn alý jáne saldaryn joıý basqarmasynyń (AFAD) habarlaýynsha, jer silkinisiniń oshaǵy Jerorta teńiziniń jaǵalaýǵa jaqyn aımaǵynda ornalasqan. Onyń tereńdigi shamamen 35 shaqyrymdy qurady.

Qurban bolǵandar men qıraǵan ǵımarattar týraly aqparat túsken joq. Jer silkinisi kýrorttyq aımaqtarda, ásirese jerasty dúmpýleri qatty sezilgen jaǵalaýdaǵy aýdandarda jergilikti turǵyndar men qonaqúı qonaqtaryn alańdatty. Bılik azamattardy sabyr saqtaýǵa jáne resmı habarlamalardy baqylap otyrýǵa shaqyrdy.

Mamandar jaǵdaıdy baqylaýda ustap otyr, qutqarýshylar men tótenshe jaǵdaılar qyzmeti yqtımal jer silkinisi nemese aftershok bolǵan jaǵdaıda joǵary daıyndyq jumystaryn júrgizdi.

Qyrǵyzstanda 20 qarasha kúni shamamen 4 baldyq jer silkinisi tirkeldi.