Antalııaǵa Ýkraına, Qazaqstan jáne Moldovadan baratyn týrıster sany kóbeıdi

ANTALIıA. Anadoly-QazAqparat – Pandemııaǵa qaramastan, 2020 jyldyń qazan aıynda Túrkııanyń Antalııasyna Ýkraına, Qazaqstan jáne Moldovadan baratyn týrıster aǵyny ótken jyldyń osy aıymen salystyrǵanda birshama ósken. Bul týraly QazAqparat Anadoly agenttigine silteme jasap habarlaıdy.

«Qaýipsiz týrızm» baǵdarlamasynyń arqasynda túriktiń Antalııasy ózin álem boıynsha demalystyń qaýipsiz baǵyty retinde tanytty.

Túrkııanyń «týrıstik astanasynyń» kóptegen qonaqúı kesheni 150 túrli sanıtarlyq-gıgıenalyq talaptarǵa sáıkes keletin «Salaýatty týrızm» sertıfıkatyn alǵan, bul óz kezeginde shetelden keletin týrıster sanynyń ósýine septigin tıgizdi.

Pandemııaǵa baılanysty Antalııadaǵy týrıstik maýsym bıyl ádettegiden kesh bastalǵan, alaıda oǵan qaramastan birqatar elderden aǵylǵan týrıster sanynyń ósimi tirkeldi.

Bir ǵana qazan aıynda Antalııaǵa demalýǵa 700 900 qonaq keldi.

Ýkraınadan kelgen týrıster sany 102 117 adamdy quraǵan. Byltyrǵy jyldyń qazan aıynda bul kórsetkish 72 474 adam bolǵan edi.

Ótken aıda Qazaqstannan Antalııaǵa demalýǵa barǵan qazaqstandyqtar sany – 7 130 adam. Al 2019 jyldyń qazan aıynda Qazaqstannan 6668 týrıst barǵan.

Sondaı-aq, Moldova elinen baratyn týrıster sany aıtarlyqtaı ósken. Bıylǵy qazanda 5880 adam barsa, ótken jyldyń osy aıynda 3574 týrıst demalyp kelgen edi.