Antalııadan elge orala almaǵan qazaqstandyqtar sany - 1018 adam
ASTANA. 6 maýsym. QazAqparat - Skaıeırlaınz kompanııasymen Qazaqstanǵa Antalııadan ushyp kelýdi josparlaǵan qazaqstandyqtardyń jalpy sany belgili boldy. Olar 1018 adam, dep habarlady QR SІM baspasóz qyzmetinen.
«Atap aıtqanda, 6 maýsymda, 211, 7 maýsymda 212, 10 maýsymda 182, 11 maýsymda 413 adam ushyp shyǵýdy josparlaǵan. Olardyń negizgi baǵyttary Antalııadan Almaty, Astana, Qaraǵandy jáne Aqtaý qalalary», - delingen habarlamada.
Qazaqstannyń Antalııadaǵy konsýldyǵynyń aqparatyna qaraǵanda, qazirgi ýaqytta Antalııadan elimizge birneshe reıster bar. Degenmen, olardaǵy bos oryndardyń qansha ekendigin anyqtaý múmkin bolmaı otyr. Sonymen qatar keshe konsýldyqtyń járdemimen 15 adam Almatyǵa oraldy.
«QR Konsýldyǵy men bankrotqa ushyraǵan kompanııanyń seriktesi «Kýalıtým týr» týrıstik operatory qazaqstandyqtardyń eline oralýyna kómek kórsetý úshin basqa da avıakompanııalarmen, týrıstik agenttiktermen belsendi kelissózder júrgizýde. Bir reıste 200-den astam adamdy tasymaldaı alatyn qazaqstandyq jeke kompanııalarmen de kelissózder jasalýda. Búginde qazaqstandyq tarap Túrkııa bıliginiń resmı organdaryna oryn alǵan jaıtqa baılanysty kómek kórsetý ótinishin jasady», - delingen habarlamada.
Qazaqstan konsýldyǵy azamattarymyzǵa kómek kórsetý úshin barlyq sharalardy jasaýda. Al josparlaǵan kúni ushyp kete almaǵan adamdarǵa «Kýalıtým týr» qonaq úılerge tegin turýǵa qol úshin beredi.
