Antalııadaǵy sý tasqyny: kópirler qırap, úıler men jylyjaılardy sý basty

ANTALIıA. Anadoly-QazAqparat – Antalııanyń Kýmlýdja aımaǵynda nóser jańbyrdan keıin bolǵan sý tasqyny saldarynan kóptegen úılerdi, dúkender men jylyjaılar sý astynda qaldy, dep habarlaıdy QazAqparat Anadoly agenttigine silteme jasap.

Іshinara elektr qýaty óship qalǵan. Kýmlýdja qalasynyń meri Mustafa Koleoglý men Kýmlýdja aýdanynyń gýbernatory Tekın Erdemır kópirlerdiń opyrylyp, birqatar joldardyń búlingenin habarlady.

Sý tasqyny Fınıke aımaǵynda da bolǵan. Fınıke aýdanynyń gýbernatory Musa Qazym Chelık úılerinde qalyp qoıǵan adamdardy qutqarý brıgadalary alyp shyqqanyn aıtty.

Qaýipsizdik maqsatynda aýdandaǵy mektepter bir kúnge jabyldy.

Túnde qatty jańbyrdyń saldarynan jabylyp qalǵan Kýmlýdja men Fınıke aýdandaryndaǵy joldar ashyldy.

Kýmlýdja – Túrkııadaǵy qyzanaq óndirisiniń mańyzdy ortalyǵy. Kýmlýdjadaǵy kóptegen jylyjaılar sý astynda qaldy.

Jylyjaı janyndaǵy úılerde qalyp qoıǵan azamattar qaıyqtyń kómegimen qutqaryldy.

Antalııa mýnıtsıpalıtetiniń meri Muhıttın Bodjek sý tasqyny týraly 474 habarlama kelip túskenin habarlady.

Aýdandyq mýnıtsıpalıtettiń avtoturaǵyn sý basyp, 225 kólik sý astynda qaldy.

Foto: aa.com.tr