Antalııadaǵy kýrorttardyń birinde orman órtenip jatyr

MANAVGA. ANADOLY-QazAqparat – Antalııa provıntsııasyndaǵy Manavgat kýrortty qalasynda sársenbide orman órtendi, dep habarlaıdy QazAqparat Anadoly agenttigine silteme jasap.

Ormandaǵy órtti sóndirýge 12 provıntsııadan jiberilgen 19 tikushaq, 103 órt sóndirý mashınasy, 6 býldozer, 1 ushaq jáne 412 órt sóndirýshi jumyldyrylǵan. Qoıý tútinnen 53 adam zardap shekken. Jalynnyń tez taralýyna qatty jel yqpal etti.

Shamamen túske taman Manavgatqa jaqyn orman aımaǵynda shyqqan órt mańyndaǵy eldi mekenderge tarady. Órt saldarynan keıbir úılerdi jalyn sharpyǵan, janýarlar qyryldy. Jaǵdaıdy baqylaý úshin óńirge aýyl jáne orman sharýashylyǵy mınıstri Bekır Pakdemırlı

keldi. Órt jaıylý qaýpi bar 4 aýdannyń turǵyndary evakýatsııalandy.