Antalııadaǵy daýylda qazaqstandyqtar zardap shekken joq - SІM

ASTANA. QazAqparat - Antalııa áýejaıyndaǵy apattan qazaqstandyqtar zardap shekken joq, dep habarlaıdy QazAqparat QR Syrtqy ister mınıstrligine silteme jasap.

«Qazir qolda bar aqparatqa sáıkes, zardap shekkender arasynda qazaqstandyqtar joq. Konsýldyqqa eshkim shaǵym aıtyp xabarlasqan joq. Bizdiń dıplomattar jergilikti tótenshe jaǵdaılar boıynsha organdarmen baılanysta», - dep málimdedi QR syrtqy ister mınıstrliginiń baspasóz hatshysy Aıbek Smadııarov.

Jergilikti NTV telearnasynyń habarlaýynsha, Túrkııanyń Antalııa áýejaıynda qatty jelden avtobýs pen mıkroavtobýs aýdaryldy. Odan bólek, eki ushaq pen tikushaqqa da zaqym kelgen.

«Saldarynan 12 adam aýrýhanaǵa jetkizildi. Olardyń ómirine eshqandaı qaýip tónip turǵan joq», - delingen habarlamada.

Qazirgi ýaqytta áýejaı qalypty rejımde jumys istep tur.

Foto áleýmettik jelilerden alyndy