Antalııadaǵy «Astana» men «Goverla-Zakarpate» fýtbol komandalary arasyndaǵy joldastyq kezdesý 0:2 esebimen aıaqtaldy
ALMATY. 18 aqpan. QazAqparat - Túrkııanyń Antalııa qalasynda sońǵy oqý-jattyǵý jıynynda «Astana» fýtbol klýby Ýkraınanyń Birinshi lıgasynda oınaıtyn «Goverla-Zakarpate» komandasymen joldastyq kezdesý ótkizdi.
Onda Oleg Protasov jattyqtyratyn astanalyqtar ýjgorodtyq qarsylastaryna 0:2 esebimen ese jiberdi. 1946 jyly negizi qalanǵan bul komanda 2011/12 jylǵy maýsymda týrnır kestesinde 2-orynda kele jatyr. Olar 2003/04, 2008/09 jyldary Birinshi lıgada birinshi, al 2000/01, 2006/07 jyldary ekinshi oryn alǵan bolatyn. Ýjgorodtyq aıaqdopshylar maýsymaralyq úzilis kezindegi bul jıynda buǵan deıin Slovakııanyń «Tatran» (1:0), Armenııanyń «Shırak» (2:0) jáne Ózbekstannyń «Nasaf» (1:0) komandalarynan basym túsken edi. Al astanalyqtar 14-aqpan men 1-naýryz aralyǵyndaǵy bul jıynynda endi Rýmynııa chempıonatynda óner kórsetetin komandalardyń birimen kezdespek.
