Antalııada qazaq kınosynyń kúnderi ótti
ASTANA. KAZINFORM – Qazaqstannyń Antalııadaǵy bas konsýldyǵynyń bastamasymen, Qazaqstan Mádenıet jáne aqparat mınıstrligi men Sháken Aımanov atyndaǵy «Qazaqfılm» kınostýdııasynyń qoldaýymen qazaq kınosynyń kúnderi Antalııada ótti.
Bul is-shara qalanyń mádenı ómirindegi mańyzdy oqıǵaǵa jáne qazaq-túrik mádenı-gýmanıtarlyq yntymaqtastyǵyn damytýdaǵy mańyzdy qadamǵa aınaldy.
«Uly Dala tańy», «Jeruıyq» jáne «Qaıtadan» kórkem fılmderi túrik kórermenderine kórsetilip, Qazaqstan tarıhynyń negizgi taraýlaryn, qazaq halqynyń rýhanı qundylyqtaryn jáne baı mádenı murasyn ashyp kórsetti. Bul fılmder qazirgi zamanǵy qazaq kınosynyń kóp qyrly sıpatyn jáne onyń ulttyq dástúrlermen tereń baılanysyn kórsetti.
Fılm kórsetilimderine keń aýdıtorııa qatysyp, Antalııadaǵy resmı, iskerlik jáne qoǵamdyq toptar ókilderiniń, konsýldyq korpýstyń, qazaqstandyq stýdentterdiń jáne otandastardyń úlken qyzyǵýshylyǵyn týdyrdy.
Qazaqstannyń Antalııadaǵy bas konsýly Qýat Kanafeev óz sózinde usynylǵan fılmder tek ulttyq qundylyqtardy ǵana kórsetip qoımaı, sonymen qatar ortaq tarıh, rýhanı jaqyndyq jáne strategııalyq seriktestik biriktirgen Qazaqstan men Túrkııa arasyndaǵy mádenı dıalogty nyǵaıtýǵa úles qosatynyn atap ótti.
Qazaq handyǵynyń negizin qalaýshylardyń biri Jánibek hannyń uly Qasym hannyń bıligine arnalǵan rejısser Aqan Sataevtyń «Uly dal tańy» tarıhı fılmi kórermenderdiń erekshe nazaryn aýdardy. Usynylǵan baǵdarlama Qazaqstannyń tarıhy men qazirgi zamanǵy damýyna degen turaqty qyzyǵýshylyqty arttyrdy, sondaı-aq kınonyń mádenıetaralyq ózara árekettesýdiń tıimdi quraly retindegi áleýetin kórsetti.
Іs-shara eki el arasyndaǵy mádenı yntymaqtastyqtyń joǵary deńgeıin rastap, óner men kıno salasyndaǵy birlesken jobalar úshin jańa múmkindikter ashty.