Antalııada Halyqaralyq qumdy músinder festıvali ashyldy

ANTALIıA. QazAqparat - Túrkııanyń Antalııa qalasynda 14-shi Halyqaralyq qumdy músinder festıvali ashyldy. Bıylǵy festıvaldiń taqyryby - «Teńizde týǵan ańyzdar», dep habarlaıdy QazAqparat Anadoly agenttigine silteme jasap.

Festıval kýrorttyq Lore qalasyndaǵy jaǵajaıda ótip jatyr. Munda 15 músinshi 200-ge jýyq týyndyny kórsetedi. Qumdy kompozıtsııalar jasaý úshin shamamen 10 myń tonna qum paıdalanyldy.

Túngi ýaqytta qumdy músinderge jaryq túsirý úshin arnaıy jaryqtandyrý júıesi qoldanyldy.

Kelýshiler festıval alańynan aty ańyzǵa aınalǵan Atlantıdanyń, Shotlandııa ańyzy Fınfolktyń, Soltústik Eýropanyń qubyjyǵy - krakenniń, Koreıadan shyqqan tasbaqa-kemeleri - kobýksonnyń, teńiz qubyjyǵy Levıafannyń, Akvamenniń, sý perisiniń, sırenanyń, Poseıdonnyń jáne basqa da aty ańyzǵa aınalǵan keıipkerlerdiń qumnan jasalǵan músinderin kóre alady.

Sonymen qatar, álemniń jeti keremetiniń qumdy kompozıtsııalary, atap aıtqanda, Heops pıramıdalary, Táj-Mahal jáne Galıkarnas tanymal kesenesiniń músinderi festıvalǵa kelýshilerdiń nazaryn aýdaryp jatyr.

Festıval rejısseri Djem Karadjdyń aıtýynsha, 15 músinshi úsh apta ishinde 10 myń tonna qumnan 200-ge jýyq kompozıtsııa quraǵan.

Antalııadaǵy Halyqaralyq qumdy músinder festıvali álemdegi qumdy kompozıtsııalardyń alǵashqy jáne biregeı ashyq kórmesi.